8-наурыз Халықаралық әйелдер мерекесі

«Б.Қосынов атындағы мектеп мектепке дейінгі шағын орталықпен» коммуналдық мемлекеттік мекемесінде 2019 жылдың 7 наурыз күні 8-Наурыз Халықаралық әйелдер мерекесіне арналған іс-шара жасалынып, мерекелік кештер өткізілді. Мерекелік кештің мақсаты: «Бір қолымен бесік тербетсе, екінші қолымен әлемді тербеткен-Аналарымыз» құрметін өскелең ұрпақтың санасына сіңіру, ана ұғымының ұлы екендігін дәріптеу болды.
Мерекелік кеште мектептің барша әйел қауымына гүл шоқтары табысталып, мерекелік естеліктер табысталды. Мерекеге қонақтары ауыл әжелер алқасы шақырылып,сыйлықтар табысталды.
Науырыз- Жыл басы, тіршіліктің бастауы, әйел затының қуанышқа толы гүлдей жайнаған 8- Наурыз мерекесінің қарсаңында мектепте «Инабат» қыздар клубы мүшелерінің ұйымдастыруымен «Қызға қырық үйден тию,...» тақырыбында әжелер алқасымен кездесу сыр-сұхбат кеші болып өтті. Кеште мектеп оқушы қыздарының көкейде жүрген маңызды сұрақтары әжелер алқасы мүшелерімен бірге талданып, талқыланды. Әжелердің әрбір жауаптары қыздар қауымына өз тәрбиелік мәнін бере отырып, «Қазақ қызы» қандай болу керек екендігіне тағы да бір көз жеткізуге мүмкіндік берілді. Өйткені қазіргі таңда, қазақ қыздарында батыс мәдениетіне және араб мәдениетіне (соның ішінде хиджаб кию) еліктеушілік артып бара жатқандығы туралы сыр-сұхбат жүрді. Әжелер алқасы, Бақтыгүл әже, Сәния әже, Бозторғай әжелер қазақтың қызы тұрмысқа шыққанша басына бөрік киіп, екі бұрымын артқа өріп, басына үкі тағып, шашына шашбау байлап кер маралдай керіліп жүргендігі туралы дәлелдеп айқын ашып айтты. Басқа ұлт дәстүріне еліктеу өз салтын ұмыту, басқа салтты ұстау қазақ қызына жат қылық екендігін де атап айтып өтті. Қорыта келгенде, әжелердің мектеп қыздарына, бозбалалық жарқын шақтарын мәнді де мағаналы, инабатты да ибалы етіп өткізуге шақырды. Кезесу сыр - сұхбатымыз қазақ халқы өте жоғарға деңгейде қыз тәрбиесіне мән беретіндігіне тағы да бір дәлел болып, жасөспірімдерге тәрбие тағлымын ұсынды.