03
апрель
2019
Хантәңірінің мұзбалағы
«Поэзия – мен үшін жанымның шырылы» - деп Мұқағали атамыз тегін айтпаса керек. ХХІ ғасыр алыбының шығармашылығын білмейтін жан жоқ шығар. Мектебіміздің шәкірттері де осыны дәлелдеп, ақынның туған күніне жүректен шыққан жыр шумақтарын арнады. «Б.Қосынов атындағы орта мектеп мектепке дейінгі шағын орталықпен» коммуналдық мемлекеттік мекемесінде ақиық ақын Мұқағали Мақатаевтың туған күніне орай «Хантәңірінің мұзбалағы» тақырыбында өткен әдеби кеште ақынның өлеңдерін, өздерінің шығарған арнау өлеңдерін оқып, сахналық қойылым көрсетілді. Бұл кеште мектептің қазақ тілі және әдебиеті пәндерінің мұғалімі, ақын - Нұрақов Сәбиттің мектеп оқушыларынан ұйымдастырылған «Ақындар мектебі» Мұқағали атамыздың жырларынан үзінділер оқып, өз өнерлерін көрсетті. Мектеп жанынан ұйымдастырылған «Ғасыр үні» оркестрі және оркестр жетекшісі Иманқұлов Бекнұр Қапасұлы өнерпаздарымен халық күйлерін орындап, көрермен қауымға тербетілген киелі домбыра үнімен рухани азық силады. Ақынның жыр кешіне ауыл ақсақалдары мен әжелер алқасы мүшелері және ата-аналар қатысып, оқушылар бойындағы ақынға деген сүйіспеншілік пен құрметті тамашалады. Ақынның өз дауысында оқылған өлеңдерін тыңдап, әсем әндері шырқалды. Мұқағали поэзиясы тек өнер үшін туындаған өнер діңгегіндегі ғана құбылыс емес. Оның өлмес өнері, қанатты поэзиясы қазақ халқының сезімін байытып, кісілігін биіктетіп, парасатын кемелдендіре түсті.