Мектебімізде педагогтардың кәсіби құзыреттілігін дамыту мақсатында " Инновациялық технологиялар- заманауи мұғалімнің табыс векторы" тақырыбында облыстық семинар өтті.

Семинарда математика пәні мұғалімі: Султанбекова Талшын Полатбековна " Сабақта әр түрлі әдіс- тәсілдерді қолдану арқылы оқушылардың функционалдық сауаттылығын арттыру" тақырыбындағы іс- тәжірибесімен бөлісті.
Мақсаты: Қазақстан Республикасындағы мектеп оқушыларының функционалдық сауаттылығын дамыту үшін жағдай жасау.
Міндеті: Әдіс - тәсілдер арқылы білім сапасын арттыру.
" Білгеніңмен бөліс", Функционалдық үшбұрышы" әдістерін көрсету барысында сабақтың әр кезеңінде жаңа такырыпты игеру барысында, үй тапсырмасын беру, өткен тақырыпты қайталау мақсатында қолдануға болатынын және осы әдістер арқылы оқушылардың функционалдық сауаттылықтарын арттыруға болатынын атап өтті.Мұғалімдермен осы әдістердің тиімділігі жөнінде пікір алмасып, нәтижесінде мұғалімдер өздерінің әсерлерімен бөлісіп, аталған әдістерді өз практикаларында қолданатындарын айтып, алғыстарын білдірді.Жалпы педидея барысын талдап, математика пәні мұғаліміне осы тақырып аясында авторлық бағдарлама жасау туралы ұсыныстарын білдірді.
[media=https://www.instagram.com/p/CdYIS5yjNHh/?utm_source=ig_web_copy_link]