Сабақты зерттеу (Lesson Study): білім беру ұйымдарында іске асыру тәжірибесі» тақырыбындағы аймақтық практикалық конференциясы

17.05.2024 жыл.Педагогикалық шеберлік орталығының Ақтөбе қаласындағы филиалы 2024 жылғы 17 мамырда «Іс-әрекеттегі зерттеу (Action Research) және Сабақты зерттеу (Lesson Study): білім беру ұйымдарында іске асыру тәжірибесі» тақырыбындағы аймақтық практикалық конференциясы болды.
Конференция аясында аймақ педагогтерінің зерттеу жұмыстары таныстырылып, талқыланды және постерлер көрмесінде Сабақты зерттеу және Іс-әрекеттегі зерттеу нәтижелері сарапталды.
Конференцияның мақсаты – аймақтың білім беру ұйымдары мен педагогтері жүргізетін зерттеулердің нәтижелерін талқылау және тарату болып табылады.
Конференцияға Б.Қосынов мектебіміздің қазақ тілі мен әдебиеті пәнінің мұғалімдері Г.Спанкулова мен Ж.Жахан қатысып,өздерінің сабақты зерттеу «Талант» тобының жұмысының нәтижесімен бөлісті.
Онлайн конференцияға Сабақты зерттеу (Lesson Study) тәсілін енгізу тәжірибесі бар білім беру ұйымдары басшылары мен педагогтері, біліктілікті арттыру орталықтарының, білім бөлімдері әдістемелік кабинеттерінің қызметкерлері қатысты.
https://www.instagram.com/p/C7Lt7O8CAXY/