1 наурыз – Алғыс айту күні.

2016 жылғы 14 қаңтарда Қазақстан республикасының Президенті Н.Ә.Назарбаев Қазақстан халқы Ассамблеясының құрылған күні 1 наурызды елімізде Алғыс айту күні деп жариялап, № 173 Жарлыққа қол қойған болатын.
Алғыс айту күні – күрделі заманда иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн.
Президент Алғыс айту күні туралы: «Қазақстан халқы ассамблеясы құрылған күн – 1 наурызды жыл сайын барлық этностардың бір - біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Ол күн бізді бұрынғыдан да гөрі жақындастыра түспек. Бұл күн мейірімділіктің, бүкіл қазақстандықтардың бір біріне деген достығы мен махаббатының жарқын мерекесі бола алар еді», – деген болатын. Осыған орай мектебімізде «Мен алғыс айтамын» тақырыбында апталық өткізілді.
25.02.2019ж «Мен алғыс айтамын» апталықтың ашылуы болды. 5-11 сыныптар арасында саптық жиында әр сыныптар бір оқушыдан өз алғыстарын білдірді. Мектебіміздің фоэесінде «Мен алғыс айтамын» тілек тақтасы
қойылып, кез-келген оқушы мұғалім, өз ішкі тілектерін білдіріп, рахмет айтқысы келетін адамдарға жылы лебіздерін жазды.
26.02.2019ж Қазақ қашанда «Қызды қырық үйден тыю» демекші, «Алғыс жүректен шығады» деген тақырыпта әжелер алқасымен қыздар кездесуі өтіп, сұхбат жүргізілді.
27.02.2019ж педагог-ұйымдастыруша Н. Байтугеловамен «Адал ұрпақ» еріктілер клубы мүшелерімен бірге ауылымыздағы жалғызбасты зейнеткерлерге ауласындағы қарды тазалауға жәрдемдесіп, қыздар үйлерін жинап, көмек көрсетті.
28.02.2019ж 1-11 сыныптар арасында «Алғыста шек болмайды» атты сынып сағаттарын өткізді.
01.03.2019ж қорытынды кеште «Мен алғыс айтамын» тақырыбында 10 сынып оқушыларының ұйымдастыруымен флэшмоб биі өткізілді.