5-қыркүйек-Қазақстан халықтарының тілдері күні мерекесі.

5-қыркүйек-Қазақстан халықтарының тілдері күні мерекесі.” Ұлттың сақталуына да, жоғалуына да себеп болатын нәрсенің қуаттысы - тіл “деген ұлағатты сөз қалдырған, қазақтың тағдыры мен тілі үшін күрескен Алаш арысы, ұлт ұстазы Ахмет Байтұрсынұлының туған күнімен байланысты. Тіл мерекесіне орай Б. Қосынов орта мектебінің қазақ тілі, орыс тілі, ағылшын тілі пән мұғалімдері” Тағылым”қазақ тілі мен әдебиеті пәні бірлестігінің жетекшісі Догарова Гүлдананың ұйымдастыруымен “Тіл-өлшеусіз қазына, өрісі кең әлем” тақырыбында іс шара өткізді.
Мақсаты: Оқушылардың өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз ұлтына деген сүйіспеншілігін ояту. Тіл білімінің негізін қалаған тұлғаларды дәріптеу. Қазақстан мемлекетінде тұратын барлық халықтардың тілдерін құрметтеу.
Іс шара барысында оқушылар “пазл” арқылы тіл туралы мақал- мәтел құрастырды. Орыс тілі мен ағылшын бірлестігі түрлі ойындар ұйымдастырды. Ахмет Байтұрсынұлының өмірбаянынан сұрақтар қойылды. Сұраққа дұрыс жауап берген оқушыларды ынталандыру мақсатында сыйлықтар таратылды.
Дәлізде тіл туралы әуен ойнатылды. Мектеп директоры Д.Болатұлы мен оқу завучы Э. Молдағожақызы қатысып,тіл мерекесімен құттықтады.
Іс шара көрме, дебат, көркемсөз,ән байқауы, сахналық қойылым, түрлі сайыстармен жалғасын табады. Орын алған оқушылар іс шара жабылуында марапатталады.
​https://www.instagram.com/reel/C_-Y0JTCwuI/?utm_source=ig_web_copy_link&igsh=MzRlODBiNWFlZA==​​​